حي هو رب الجنود ومبارك صخرتي
وقت يدق الخطر جاهزين جملة بتتكرر ومنسمعا دايما ، بعد في برأيكم اخطر من هيك ؟ اليوم ابليس ماشي بيناتنا كاشف عن وجو بهيئة بشر وظاهر للعيان بس ولاد الرب صاحيين وعارفينو . والكتاب المقدس علمنا وحذرنا من كل هالنوعيات .
”سَيُخْرِجُونَكُمْ مِنَ الْمَجَامِعِ، بَلْ تَأْتِي سَاعَةٌ فِيهَا يَظُنُّ كُلُّ مَنْ يَقْتُلُكُمْ أَنَّهُ يُقَدِّمُ خِدْمَةً للهِ.” (يو 16: 2).
شوفوا واسمعوا يا مسيحية لبنان اخوتنا باستراليا عم يخوضوا معركة شرسة ورهيبة ضد الشر وعم يضطهدوا لتبقى الكنايس مفتوحة والاجراس تدق والاهم من هيدا
كلو ” وصايا الرب يسوع ما تنكسر تحت شعارات وحقوق الانسان ” .
وهيدي كلها بدع وشيطانات وهرطقات لإلغاء الكنايس وتدمير النفوس وتسقيط الذات وتشريع الزنى والفجور وتخريب
وهدم العيل والقيم المسيحية .
“ لاَ يَقِفُ إِنْسَانٌ فِي وَجْهِكَ كُلَّ أَيَّامِ حَيَاتِكَ. كَمَا كُنْتُ مَعَ مُوسَى أَكُونُ مَعَكَ. لاَ أُهْمِلُكَ وَلاَ أَتْرُكُكَ.” (يش 1: 5).
اخوتنا باستراليا عم بيحاربوا من دون سلاح لأن سلاحهم الايمان والصلاة وكلمة الله الثابته الي ما بتزعزع ولازم نفيق من الغيبوبة ومن الارضيات والمادي لأن الخطر ببيوتنا صار ، اخوتنا بدهم دعمنا ولازم نوقف حدن لأن جايينا الدور علبنان . اصحوا وما تسكتوا عن الغلط وما تسايروا ابليس بخططه منشان دولار ورغيف خبز وخذوا العبرة واتعظوا من الي عم بيصير .. وَقَالَ: «حَتَّى مَتَى تَعْرُجُونَ بَيْنَ الْفِرْقَتَيْنِ؟ إِنْ كَانَ الرَّبُّ هُوَ اللهَ فَاتَّبِعُوهُ، وَإِنْ كَانَ الْبَعْلُ فَاتَّبِعُوهُ». فَلَمْ يُجِبْهُ الشَّعْبُ بِكَلِمَةٍ.” (1 مل 18: 21).
كونوا مع الرب للرب يكون معنا ومن كان الله معه فمن عليه . اشلحوا الطائفية وكبوها واسلكوا الدرب مع رب الجنود .
” وَإِلهُ السَّلاَمِ سَيَسْحَقُ الشَّيْطَانَ تَحْتَ أَرْجُلِكُمْ سَرِيعًا. نِعْمَةُ رَبِّنَا يَسُوعَ الْمَسِيحِ مَعَكُمْ. آمِينَ.” (رو 16: 20).
اخوتنا باستراليا هني ابطال شجعان هني ولاد الرب يسوع المؤمنين والمحافظين وبينرفع الراس فيهم وهيك نحنا بلبنان لازم نكون ايد وحدة و متلن لندعس ابليس ونسحقو لأننا مع الكلمة و نكون ضد كل قانون ابليسي وضد كل تعليم بيهدف لكسر تعاليم الرب ونكون مثال المسيحي الصالح لنفوز بالملكوت وما نخسر ابديتنا ونهلك مع الاشرار ويكون مصيرنا النار .
“مَنْ لَهُ أُذُنَانِ لِلسَّمْعِ فَلْيَسْمَعْ.” (مت 11: 15).
جنود الرب
